تغريدات الأسبوع
بياض السنون اللي وراها سواد قلوب حركات أهلها بينت لي حقيقتها وأنا ويش أبا في رفقةٍ ثوبها مقلوب عسا ينقطع دابر جملها وناقتها
غالب أبو كتيفه: .
قــوي العزايم ما يهمه كلام الناس يـسوق الطموح لغايته لين يـدركها صحيح الهبوب تهب وتطيرالقرطاس لاشـك الجبال الراسيه ما تحركها
خليل بن هدلان: .
الرفيق اللي يقدرك ويقدر وفاك مثله وشرواه مكسب وتشرا رفقته والرفيق اللي لاخذ لازمه راح ونساك ابتعد عن مثل شكله لاعادت طرقته
بجاد المرشدي: .
انا عدو الكـذب و الحقد و العيب ما اصافح الطيّب عشان استغله اللي يفتّش عـن عيـوب و عذاريب ان ما سكت ٫ و إلا يجيب الأدله
عطا الله فرحان: .
سايرت كل الناس من كل الاجناس ودرست واقعهم بمنظور شامل ولقيت لايمكن حد يكسب الناس الا يجي من باب حسن التعامل
محمد بن محسن بن حشفل: .
أنا أفتخر بالرفيق اللي ينومس نباه وأقول هذا ولد عمي وذا محزمي والا ضعيف العزوم اللي يذم أقرباه ماهو رفيقي ودمه مايشابه دمي
أحمد البلادي: .
ياسعود رفقة هل الطالة شريناها أهل الوفا والنقا والمذهب الزيني تعطيك هرجة وتوفيها وتحماها !!أهل المواقف مرجحة الموازيني
علي الشريف: .
الطيب كايد والمواقف ،، لها رجال والناس يشكر ربها من شكرها ناسٍ بفعل الطيب يضرب بها أمثال وناسٍ تجي وتروح ماأحدٍ ذكرها
زعل الرشيدي: .
لاتوصي الطيّب على ماقف الطيب اللي على كبار المواقف تعود ولا تخاوي اللي مايعرف المواجيب يمشي معك وأن صمّل العلم عود
ضيف الله غزاي: .
