ياراكـب اللـي يـوم تسـمـع وشيـشـه
ياراكـب اللـي يـوم تسـمـع وشيـشـه
وشيـش رقطـاً ذيلهـا بالعصـاء نيـش
قــامــت تــحــك جنوبهامستـهـيـشـة
وتبـيـن أنـيـابٍ ســـوات المنـاقـيـش
يمـرج مـع البيـدا إمــراج الخريـشـة
إلى أمرجت بين الوحش والنواحيش
مــن عـقـب مـاهـي للمنـايـا وليـشـة
بيـن الصقـور ومبهمـات النواتـيـش
حيـت حيـاة الـلـي بتـالـي الحشيـشـة
عقب الدرك شرب القراح النقاريـش
جمـسٍ يربـح كـل مــن حــط شيـشـة
يتـعـب بتعبيـتـه طــوال الخراطـيـش
إلـى وقـف يكـوي الكبـود الغشيـشـة
وإلى مشى ما يلحقـه مومـي الريـش
بـرقٍ مـن العـارض جذبنـي رعيشـه
يـــوم يتـلالابـالـمـزون الـمـراهـيـش
وأثــره مــا يسـقـي الكبودالعطـيـشـة
يبرق ويرعد ميرمـدري علـى ويـش
لا تحتـزم بالـلـي ضلـوعـه هشيـشـة
اللـي ليـا سمـع النـداء صـد تطنيـش
لاتحـتـزم بــه لــو تـحـيـزم بخـيـشـة
مـا يقطـع الدِيـان ركــض الأكـاديـش
وبـيـتٍ بلـيـا ســاس مـثـل العريـشـة
يطـيـح لـولـمـع بـبـويـه و ورنـيــش
وجـرد السهـال الخالـيـات الوحيـشـة
اللـي تطـوى فـي شجرهـا الحنافيـش
أخيـر مـن ضـلـه وبـعـض المعيـشـة
يعافهـا الطيـب ويفـرح بـهـا الـديـش
وقـال المثـل مامـن ورى طلـع بيشـه
عيشة وراس الضبي ما به عراميش
عبدالله بن زويبن المعمري
